Blogs
Pu Liantea te nupa leh an fa nausen hmeichhia thla 3 mi te chuan an khaw lam panna turah harsatna tawkin Aizawl khaw lai ah an vak vai
Zanin November ni 11,2025 khan Pu Liantea te nupa leh an fa nausen hmeichhia thla 3 mi te chuan an khaw lam panna turah harsatna tawkin Aizawl khaw lai ah an vak vai a, tlangval tlawmngai pakhat chuan zanin dar 8:00pm vel khan lo hmu fuhin kan hnenah alo thlensak a ni.
Chu tlangval chuan Homestay pakhat a dah lutin enkim alo buaipui a, a fakawm takzet a ni. Naktuk lamah buaipui chhunzawm tum an ni.
An in sawi danin August ni 3,2025 khan thla kim lovin an khua a an chenna in ah fa phir 3 an nei a, mi pawisa hmang a ZMC&H, Falkawn lo panpuiin enkawl zui an ni. Mahse nausen 2 te chu an dam chhuak zo talo a ni.
An khaw lama an kalsan an fa 4 te an ngaihtuah avang leh, an fate lo enkawltu(naute pi) chu a damloh avangin damdawiin thuneitu te hnenah chhuah an dil a, vawiin tlai ah an chhuak ta anih hmel e.
An in sawi danin Myanmar lam atanga lokal an ni, nausen ber hi a ngaihtuahawm zual a, in tawngtaipui kan ngensak a che u.
Nov 11, 2025
Read more
Pu Zotawna(72) hi Hmunpui khua a khawsa niin a nupui chuan kum 2000 khan alo boralsan tawh a, a fapa naupang ber kum 25 mi te chhungkua nen an khawsa mek
Pu Zotawna(72) hi Hmunpui khua a khawsa niin a nupui chuan kum 2000 khan alo boralsan tawh a, fa 6 neiin a fate hi nupui pasal neiin in hrang an chang deuh vek tawh a. A fapa naupang ber kum 25 mi te chhungkua nen an khawsa a, lo neia eizawngin a remchang ang angah an inhlawh thin a ni.
Kum 2024 khan an in chu a rawp tawh em avangin a tlu a, YMA ten hnatlangin an thiah sak a, insak nghal tum mahse bungraw lak khawmna tur pawisa an neih remchan tak loh avangin tun thlengin an la sa thei lo a ni.
Rangva hlui hmangin a theih ang angin an khawr a, chutah chuan an la cheng rih a, kumin fur ruahtui tlak nasat lai pawn hetah hian naupang te nen an cheng a ni.
An chanchin zirchiangin kan zu kal tawh a, mi inphal te thilpek lo lut khawmte hmangin a theih ang anga hmalak pui tum an ni e.
Nov 11, 2025
Read more
Pu Laibuaia(L), Sihphir ami thlân chu a puala thilpek lo lut te hmangin kan buaipui mek a ni.
Putar kum 79 mahni a khawsa thin Pu Laibuaia(L), Sihphir ami nikum November ni 29,2024 a chatuanram min pansan ta thlân chu a puala thilpek lo lut te hmangin kan buaipui mek a ni.
Rokhawlna a awm loh chuan tun thla November ni 29,2025 hian a chhungte ruahmanna in a puala hun hnuhnung hman tum a ni a, chumi hmaa peih fel kan tum a ni.
Nov 07, 2025
Read more
kum 3 mi T Lalhriatpuia, hmui kak chu vawiin November ni 5,2025 khan ZMC&H, Falkawn ah zai tura admit fel an ni.
Naupang kum 3 mi T Lalhriatpuia, hmui kak chu mi inphal te thilpek hmangin an khua atangin Aizawl lo panpui a ni a, vawiin November ni 5,2025 khan ZMC&H, Falkawn ah zai tura admit fel an ni.
An chhungkaw khawsak a harsa hle a, a pa hi thingzai a inhlawh thin a ni. Kan tlawh hmasak ber khan mutna tur khum mumal pawh an nei lova, an veng YMA te nen tang hovin theih tawpa lo chhawmdawl tawh thin an ni.
Tluang taka zai anih theih nan in tawngtaipui kan ngen e.
Nov 05, 2025
Read more
Mit Cancer Pi Lalnunziri chanchin Update
Mit cancer Pi Lalnunziri, Tuichawngtlâng chu Dr Bhubaneshwar Borooah Cancer Institute(BBCI), Guwahati ah mi inphal te thilpek thawhkhawm hmangin nimin October ni 4,2025 khan darkar 6 leh a chanve zet zai a ni a. Chumi hnuah Plastic Surgeon ten rei tak an khawih chhunzawm leh a ni.
Doctor te sawi danin a mit a cancer hrik tai darhna zawng zawng paih vek a ni a, zai pawh a hautak hle. A tir chuan amah pawh a harh mai lo.
Mahse, Pathian leh tawngtaipui tu te zarah vawiin November ni 5,2025 tlai dar 5:22pm khan alo harh chhuak ve ta.
Pathian zarah tunah rih chuan ngaihtuahawm lutuk a ni rih lova, enkawl zui deuh rih ala ngai dawn a ni.
(Thlalak kan lo tarlan hi an zai chhuah a ni, hmuh a hrehawm deuh avangin ti hian kan lo tarlang a ni)
Nov 05, 2025
Read more
Chhngkaw harsa te chenna in sak hnatlang neih a ni a,mi thahnem tak kan thawk chhuak
Vawiin November ni 4,2025 hian Lungdai a chhungkaw harsa nupa HIV Positive te chenna in sak hnatlang neih a ni a,mi thahnem tak kan thawk chhuak a ni.
Rokhawlna a awm loh chuan naktuk hian hnatlang neih leh tur a ni ang. A remchang apiang lo hnatlang ve turin kan sawm a che u.
Nov 05, 2025
Read more
Mit Cancer Pi Lalnunziri, Tuichawngtlang a mi chu November ni 4,2025 dar 10:00am khan Dr Bhubaneswar Borooah Cancer Institute(BBCI), Guwahati ah zaipui hmachhawn tura nawr luh a ni ta.
Mit cancer avanga hma kan lo lakpui tawh Pi Lalnunziri, Tuichawngtlang chu mi inphal te thilpek hmanga enkawl zui zel ala ni a. Tukin November ni 4,2025 dar 10:00am khan Dr Bhubaneswar Borooah Cancer Institute(BBCI), Guwahati ah zaipui hmachhawn tura nawr luh a ni ta.
Pi Ziri mit(eye) ah hian lung(worm) ang tak mai te a awm thin a, thisen a chhuak nasa thin hle bawk. Investigation tih anih hnuah a cancer hrik hi a nghâwng thlengin a tai darh tawh tih an hre chhuak a ni.
Doctor ten a paih theih theih paih an tum a, Plastic Surgeon te nen an buaipui a ni. An sawi danin darkar 9 aia tlem lo an khawih hmel e. Tluang taka an zai theih nan in tawngtaipui kan ngen a che u.
Nov 05, 2025
Read more
PC Lalrohlua(thla 2) leh Joshua Lalremsanga(kum 1 leh thla 8) te chu damdawiin ah admit an ni tawh
Lungpawp avanga Kolkata a zai tura kan tirh thlak PC Lalrohlua(thla 2) leh Joshua Lalremsanga(kum 1 leh thla 8) te chu damdawiin ah admit an ni tawh a. Vawiin November ni 4,2025 zing dar 7 hian zai tura ruahman an ni.
An in zaina tur hi CK Birla Hospital, Kolkata a ni a, tluang taka an zai theih nan Pathian hnenah i tawngtaipui ang u aw.
- 𝒁𝒐 𝑰𝒏𝒔𝒑𝒊𝒓𝒂𝒕𝒊𝒐𝒏 𝑭𝒐𝒖𝒏𝒅𝒂𝒕𝒊𝒐𝒏
Nov 04, 2025
Read more
Cancer avanga rei tak lo inenkawl tawh Annie Malsawmtluangi(17) chu Durtlâng Leitan South Presbyterian Kohhran Hall ah vuiliam a ni ta.
Vawiin November ni 2,2025(chawlhni) chawhnu dar 1:00pm khân cancer avanga rei tak lo inenkawl tawh Annie Malsawmtluangi(17) chu Durtlâng Leitan South Presbyterian Kohhran Hall ah vuiliam a ni ta.
He a vuina hun ah hian amah hmangaihtu mi thahnem tak an pung khawm a ni. Thlamuang takin chawl tawh rawh se.
Nov 03, 2025
Read more
NAUSEN LUNGPAWP 2 CHU PHAI LAMAH MI INPHAL TE THILPEK HMANGIN ZAI TURA THLAH LIAM AN NI
Vawiin November ni 1,2025 hian nausen lungpawp pahnih sum harsatna avanga phai lam pam theilo te chu mi inphal te thilpek lo lut khawm hmangin Kolkata a zai turin kan zu thlah liam e. He thu kan buaipui lai hian Kolkata an thleng tawh a ni.
An chanchin tlângpui :
1. PC Lalrohlua, West Phaileng -
A ni hi thla 2 chauh a upa niin West Phaileng ah a pu te in hnuai luahin an khawsa a, a lungpawp a zau hle. A lungpawp bakah a chuap vei lam vein chu a ding lamah a in vuah a, a thâwk a buai nasa thin hle a ni.
A pa Pu Lalbiakmawia hi a hrisel lo hle a, a remchang apiang ah a inhlawh kual thin. A nu Pi Lalremruatkimi’n a zu kalpui a ni.
2. Joshua Lalremsanga, Luangmual -
A ni hi Luangmual Industry veng a khawsa an ni a, kum 1 leh thla 8 a upa a ni. An unau 3 zinga naupang ber a ni. A ni pawh a lungpawp a zau tawh hle a, zai vat anih loh chuan a boral mai a hlauhawm thu doctor in a sawi a ni.
A nu VL Remruatthangi’n a kalpui a, a pa Pu Lalmalsawma chu vai tawng a thiam avangin kan kal tel tir bawk a ni.
Lalpan an zu in buaipuina ah kaihruai tlat sela, dam leh tluang taka lo haw leh thuai turin duhsakna kan hlan e.
Nov 02, 2025
Read more
MIT CANCER ANNIE-I’N CHATUAN RAM MIN PANSAN
Mit cancer avanga hma kan lo lakpui tawh Annie Malsawmtluangi(17) d/o Zomuanpuii chuan tukin November ni 1,2025 dar 4:45am khan NEIGRIHMS Hospital ICU, Shillong ah min boralsan, a pawi kan tiin kan va ui tak em!
Annie-i hi hun eng emaw chen Shillong a enkawl anih hnuah Aizawl lo haw pui a ni a, mahse a dinhmun a that zui loh avangin Durtlang Synod Hospital ah admit leh a ni.
Mahse, hma a sawn thei meuh lova, a khât tawkin kaih leh nikhaw hrelo in a awm leh thin. Chuvangin a nu nen Shillong lam an zu pan leh a, a natna chu zual zelin ICU ah ventilator hmanga enkawl a ngai hial a ni. Tichuan, lo tha zel tura kan beisei laiin tukin khân min peih loh san zui ta a ni.
A ruang hi vawiin lamah lo haw pui tur a ruahman a ni a, naktuk November ni 2,2025 hian Durtlang Leitan, Zotui veng a an chenna in ah vui a ni ang.
A kalsan a chhûngte leh amah hmangaihtu zawng zawngte Lalpan thlamuan mawlh rawh se.
Nov 01, 2025
Read more
Mipa naupang kum 5 mi hi a lung vung avangin Durtlang Synod Hospital-ah enkawl mek a ni.
He mipa naupang kum 5 mi hi a nu hova mi in hnuai chêng ₹2,000/- a luahin an khuaah an khawsa mêk a. A lungah vûng awmin a lung bulah puar a awm bawk a, chu chuan a chuap a nek bet vek a, thâwk a harsat hle a ni.
A nu sawi danin a valve ah leak a awm tel bawk a, oxygen nên Durtlang Synod Hospital-ah enkawl mêk a ni.
An nufa hian inenkawlna tûr an neih tawh meuh loh avângin vawiin October ni 30, 2025 khân thilpêk cheng ₹10,000/- chu mi inphalte lo thawhkhâwm aṭangin kan han hlân a ni.
Doctor chuan Phai lam panpui thuai tûrin a thurâwn a, mahse an harsat êm avângin an la kal thei lo. A kal theih dân tûrte buaipui mêk a ni e.
Oct 30, 2025
Read more
